Sangtekst: Mina. Moliendo Café. Sciummo.

:
Tu scinne,
sciummo, sciummo, sciummo,
da 'a muntagna...
Io scenno
ca na malasciorte
mm'accumpagna...
E ghiammo, ohe!
Ll'ammore e sciummo ca se perde a mare...

Tu cante:
- Tocche, tocche, tocche -
spaccalegna:
"'A saccio,
nun ce sta na vocca
cchiu sanguegna...!"
E i' scenno, ohe!
Chi perde 'ammore va cercanno 'o mare...

Campana
ca suone 'a copp'a stu cunvento,
tu siente
ch'ha fatto chella faccia 'e santa?

Ajere, 'mbracci'a me, nu svenimento...
stasera vasa a n'ato e se n'avanta!

Oje comme
sona lenta e triste
na zampogna,
ca scenne
- sciummo, sciummo, sciummo, -
da 'a muntagna!...

E ghiammo, ohe!
Ll'ammore e sciummo ca se perde a mare...
E 'nfunn'o mare s'arreposa 'o core...


Paese
addo' so' nato, io te saluto...
Te veco
lla 'ncimma, sulo e abbandunato...

E io 'nfamo, 'nfamo 'e me, mme ne so' ghiuto...
Te lasso pecche 'ammore mm'ha lassato!

Tu chiagne
quase comm'a n'ommo
ca se lagna...
e i' scenno
- sciummo, sciummo, sciummo, -
da 'a muntagna!...

E ghiammo, ohe!
Ll'ammore e sciummo ca se perde a mare...
e sulo 'o mare fa scurda ll'ammore...

(Grazie a middlesex per questo testo)