Sangtekst: Massimo Ranieri. 'O Zampugnaro 'Nnammurato.

Nu bellu figliulillo zampugnaro,
che a Napule nun c'era stato ancora,
comme chiagneva, 'nnante a lu pagliaro,
quanno lassaje la 'nnammurata fora...
E a mezanotte, 'ncopp'a nu traino,
pe' Napule partette da Avellino...

Ullero - ullero...
buono e sincero...
Da lu paese, a Napule arrevato,
nce cammenava comm'a nu stunato...

E succedette ca, na bella sera,
jette a suna a la casa 'e na signora:
Tappete, luce, pavimente a cera...
ricchezze maje nun viste anfin'a allora!
Ma se 'ncantaje, cchiu assaje de sti rricchezze,
'e ll'uocchie d''a signora e de li ttrezze...

Ullero - ullero...
fuje nu mistero:
Quanno jette pe' vasa a signora 'e mmane:
"Zitto, - sentette 'e di - viene dimane!..."

Cielo, e comme fuje doce 'sta nuvena
ca ll'attaccaje cu n'ata passione!...
E se scurdaje 'e ll'ammore 'e Filumena
ch'era fatecatora e bona bona...
Ma ll'urdema jurnata ca turnaje,
chella signora, a casa, 'un ce 'a truvaje...

Ullero - ullero...
sturduto overo,
Avette ciento lire e 'sta 'mmasciata:
"Scurdatavella, chella e mmaretata..."

Na casarella 'mmiez'a li mmuntagne,
nu fucularo cu nu cippo 'e pigne...
'A neve sciocca e na figliola chiagne:
Chisa stu lietto 'e sposa si se 'ncigna...
P''a strada sulitaria d'Avellino
nun sta passanno manco nu traino...

Ullero - ullero...
"Cagna penziero!..."
Sta sotto a nu barcone appuntunato...
Poveru zampugnaro 'nnammurato!...