Sangtekst: BAP. Aff Un Zo. Dir Allein.

1)
En damm Augebleck, wo plotzlich alles leis ess,
allein, endlich keiner mieh jet vun dir will,
froochs du dich off, wo du jraad op dinger Reis bess,
oder ob du`t nit bemerk hass, lang ald durch bess durch et Ziel.
Et ess dunkel om dich romm un dat ess joot su,
weil da Augebleck nur dir ess, dir allein.
Weil da Zweifel un ding Angst kein Sau jet ahnjeht.
na, da Moment jehuhrt endlich ens dir allein,
dir allein, nur dir allein.
Nur en damm Augebleck bess du en dir doheim.

2)
Et kutt vuur, dat du en damm Moment en Stemm huhrs,
die zwar nit do sinn kann, doch der du jahn vertraus,
die du off verleugnes, obwohl se dich hinfuhrt,
wo du hinjehuhrs, die dich total durchschaut.
Jraad weil du da bess, da saht dat et lang her ess,
dat du - usser ahn Musik - ahn jet jeglauv,
och wenn du vun Missionare `n Allergie kriss,
Mann, en damm Augebleck bess du met dir allein.
Janz allein, met dir allein.
Nur en damm Augebleck bess du en dir doheim.

Wenn `ne Hoffnungsschimmer funkelnd zeich, wo`t langjeht,
wenn du einsam, rootlos ahn `ner Kreuzung stehs,
bess da Wecker klingelt oder ir`ndne Hahn kraht,
en Siren jeht, jottweiswo en Turmuhr schlaht,

bess du allein, met dir allein.
Nur en damm Augebleck bess du en dir doheim,
en dir doheim, en dir allein,
nur en damm Augebleck ( nur en damm Augebleck )